أهم 10 نصائح لطلاب المقبلين على شهادة باكالوريا 2023- خاصة النصيحة الأخيرة. اقترب الدخول المدرسي لباكالوريا 2023 , لذلك فالتلاميذ المقبلين على شهادة الباكالوريا 2023 بحاجة الى النصائح و الأرشادات , لذلك قرر فريق الباك في الجيب تقديم 10 نصائح ذهبية للتلاميذ المقبلين على شهادة الباكالوريا 2023 و هذه النصائح مكتوبة بأحرف من ذهب , كل شخص طبق هذه العشر نصائح استطاع أن يدرس للباكالوريا بجد و التحصل على معدلات عالية .
|
| صورة الموضوع : نصائح مهمة للمقبلين على شهادة الباكالوريا 2023 |
في هذا الموضوع سأقدم لكم 10 نصائح مهمة للتلاميذ المقبلين على شهادة الباكالوريا 2023 و التي أعتبرها شخصيا ككنز , خاصة النصيحة الأخيرة و التي أعتبرها نصيحة ذهبية .
أهم 10 نصائح لطلاب المقبلين على شهادة باكالوريا 2023- خاصة النصيحة الأخيرة
النصيحة الأولى للتلاميذ المقبلين على شهادة الباكالوريا 2023
النصيحة الأولى التي أقدمها لك هي ماديرش الستراس على روحك , بزاف من التلاميذ يقولو بأن عام الباك عام صعيب و يعطولو أكثر من حجمه , و لكن في الحقيقة عام الباكالوريا كباقي السنوات كلما درست و اجتهت تحصلت على معدل عالي.
النصيحة الثانية للتلاميذ المقبلين على شهادة الباكالوريا 2023
2- النصيحة الثانية لي نقدمهالك ما تبداش بالجهد المبكر , يعني تبدا
دير جدول دراسة تاعك تع دار 6 ولا 8 سوايع تع قراية في النهار هذا يخليك تعيا
قبل الوقت تما قبل مارس تكون عييت و ما تقدرش تزيد تقرا ,
يعني شهرين الأولين ابدا بلعقل راجع واش تقرا في المسيد و زيد حل معاهم تمارين هكذا تكون درت بداية جيدة
النصيحة الثالثة للتلاميذ المقبلين على شهادة الباكالوريا 2023
3- النصيحة الثالثة لي نقدمهالكم ما تكثروش الأساتذة لي تقراو منهم أذا شتو استاذ يقريكم مليح ريحو عندو باصكو كي تخلطو الأساتذة رايحين تخلطو الأفكار على روةاحكم و بالمناسبة اذا راكم حابين نديرلكم فيديو نوريلكم فيه أفضل الأساتذة اللي يعاونوكم في الباك اكتبولي رايكم في التعليقات راح نقراهم كامل و نجاوبكم كامل
النصيحة الرابعة للتلاميذ المقبلين على شهادة الباكالوريا 2023
4- النصيحة الرابعة هي ان تبنو علاقة بينكم و بين ربي سبحانو , هذا العلاقة ما تخلاصش في هذا العام برك , مع بنيانك علاقتك مع ربي سبحانو بالصلاة في وقتها و قراءة القران ربي راح يباركلكم في وقتكم و في قرايتكم و يسهللكم بزاف حاجات , و حذاري تغضبو والديكم و تزعفوهم ف رضا الله في رضا الوالدين و اللي والديه ميتين ربي يرحمهم و ان شاء الله يكونو من اهل الجنة
النصيحة الخامسة للتلاميذ المقبلين على شهادة الباكالوريا 2023
5- النصيحة الخامسة هي متكونش اناني و ما تحتاقرش المعلومة اذا جا صاحبك و لا صحبتك و حوسو يعرفو حاجة و لا يتعلمو بالاك تبخل معلومة تعرفها عليهم و تردهم باسكو راح يجي نهار وين نتا تسحق معلومة و ما تلقاش شكون اللي يوريهالك ,
النصيحة السادسة للتلاميذ المقبلين على شهادة الباكالوريا 2023
6- النصيحة الاسادسة ما تربحش العيب مع الأساتذة تاعك , صح كما يقولك كي ينقصولك نقاط ما عندهم ما يربحو , بصح كي تربح الملاحة مع الأساتذة تاوعك رايحين يفيدوك و يمدولك كامل المعلومات اللي عندهم و ما يبخلوش عليك بصح اذا كرهوك صدقني غير يجيبوها موراك حتا يكرهولك حياتك.
النصيحة السابعة للتلاميذ المقبلين على شهادة الباكالوريا 2023
7- النصيحة السابعة هي ما تطلقش روحك في عام تع الباك و جيبها غير لعب و تمسخير حتا كي يقرب الباك و تبدا تسقسي وش ندير مقدرتش نلحق , الوقت راه جد ثمين اذا راح ميوليش.
النصيحة الثامنة للتلاميذ المقبلين على شهادة الباكالوريا 2023
8- النصيحة الثامنة هي اعرف تخير صحابك اللي يدورو معاك , اذا شتهم ماشي سيريو و تمسخير قوللهم اا سمحولي الجماعة عندي عام لازم نكون فيه سيريو , باصكو نهار يقدر ربي و ماجيبش الباك غير ما تلقا حتا واحد يحزن معاك , بالعكس اذا درت صحابك يقراو تلقاهم يموتيفيوك و يشجعوك باش تقرا و كيماتعرفش حاجة تلقاهم يعاونوك و يعطوك المصادر اللي يقراو منهم و ما يبخلوش عليك
النصيحة التاسعة للتلاميذ المقبلين على شهادة الباكالوريا 2023
9- النصيحة التاسعة بالاك تحشم باش تسقسي أستاذ , باسكو الكثير من التلاميذ عندهم هاذ المشكل تع يسقسي الأستاذ تاعو و يحشم يسقسي , شوف كابابل تكون حاجة صغيرة ماشي فاهمها و تحشم تسقسي الأستاذ تاعك عليها كابابل لكان ما تفهمهاش متقدرش تفهم حاجة كبيرة , صقسي عادي راهو استاذ و خدمتو يفهمك واش ماراكش فاهم , باسكو راك رايح تندم كي ما تسقسيش-
النصيحة العاشرة و الذهبية للتلاميذ المقبلين على شهادة الباكالوريا 2023
10- و النصيحة الأخيرة و الذهبية ننصحك خويا و ختي بعدو كامل على العلاقات العاطفية باسكو راهي مجرد مضيعة وقت و جهد , تما لكان ربي و قدر و تحبسو تدخلوا في عالم من الأكتئابة و الحزن و اللي رايح يؤثر بشكل سلبي و مباشر على قرايتكم
الخاتمة
;و في الاخير حبيت نقلك بلي عام الباك هو عام واحد برك تع قراية و اللي بيه راك رايح تفرح بيه والديك و نسمعو الزغاريت في أخر العام و تطلع للجامعة بحول الله و تروح التخصص لي راك حابو و تقرب خطوة للهدف تاعك ,
ننشر هذا الملف لغرض تعليمي والاستفادة الشخصية فقط، ولا يحق البيع أو استخدامه لأغراض تجارية دون إذن مسبق من صاحب حقوق النشر. نؤكد أننا لسنا مالكين لحقوق النشر في هذا الملف.
اذا كنت ترى انك مالك لهذا الملف و تريد حذفه من الموقع فيرجى الاتصال بنا عبر الضغط على الزر
تذكر قوله تعالى: (مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ).